२५८ योजना सम्झौता भएको मध्य ४८ सम्पन्न
कंक्रिट ढलान सडक निर्माणमा जुटेको यस हेटौंडा उपमहानगरपालिकाको दुई स्थानमा स्ल्याव ढलान (कंक्रिट) सडकको शिलान्यास गरिएको छ ।
चालु आर्थिक बर्ष २०७९/०८० मा बजेट पुस्तिकामा समेटिएको योजना अनुसार हेटौंडा–१ लालझाडिको बाराहि, धाप र भट्टे टोल जाने र हेटौंडा–१२ को केनाम टोल जाने सडक बिहीवार यस हेटौंडा उपमहानगरपालिकाका नगर प्रमुख मिनाकुमारी लामाले शिलान्यास गर्नुभएको छ।
हेटौंडा–१ र १२ मा चालु बजेट शिर्षकबाट बिनियोजन गरेको रकमबाट काम थालिएको छ । यस हेटौंडा उपमहानगरले चालु आर्थिक बर्षको पहिलो चौमासिकमा २५८ योजना सम्झौता भएकोमा ४८ वटा सम्पन्न भएका छन् भने २१० वटा कार्यान्वयनको चरणमा र गत आर्थिक वर्ष २०७८/०७९ मा जिम्मेवारी सरेका मध्य ८४ योजनाका काम सम्पन्न गरेको छ ।
यस कार्यालयको पूर्वाधार बिकास कार्यक्रम अन्तर्गत चालु आर्थिक बर्षको पहिलो चौमासिकमा ३ किलोमिटर कंक्रिट सडक, ४ वटा कल्भर्ट, १ वटा शैक्षिक पूर्वाधार, ३ वटा गुम्बा, १० वटा मन्दिर, १ तटबन्धन, ४ शौचालय, १२ सामुदायीक भवन, १ मदरसा र ४ वटा पार्कहरु निर्माणको काम सम्पन्न भएको छ ।
यस कार्यालयको पूर्वाधार विकास कार्यक्रम तर्फ योजना तथा कार्यक्रम अनुगमन जाँचपास तथा फरफरक सिफारीस समितिले १३२ योजनाको अनुगमन तथा मूल्याङकन गरेर फरफारकका लागि कार्यालयमा सिफारीस गरेको छ भने अन्य महाशाखाले गरेको ९ वटा योजना अनुगमन गरी भुक्तानीका लागि सिफारीस गरेको छ । त्यस्तै पूर्वाधार विकास कार्यक्रम अन्तर्गत यस कार्यालयले हेटौंडा-१ चौकिटोलमा ३३ लाख ६६ हजार रुपियाँको लागत सहभागिता तथा अन्य जिन्सी समान उपलव्ध गराएर हेटौंडा १० टिसीएनमा रहेको तरकारी बजार स्थानान्तरको काम गरेको छ ।