हेटौंडा उपमहानगरपालिका–१८ मा रहेको ज्योति माध्यमिक बिद्यालय (प्राबिधिक शिक्षालय) को ४ कोठे भवनको शिलान्यास गरिएको छ ।
हेटौंडा उपमहानगरपालिकाको सहयोगमा निर्माण हुने भवनको मिति २०८० माघ ११ गते बुधवार उपमहानगरका नगर प्रमुख श्री मीना कुमारी लामाज्यूले शिलान्यास गर्नुभएको हो। चालु आर्थिक बर्षको बजेटमा समाबेश रहेको विद्यालय भवनको निर्माणका लागि करिब १ करोड रुपियाँ लाग्ने बिद्यालय व्यवस्थापन समितिका अध्यक्ष श्री हर्क रम्तेलज्यूले जानकारी दिनुभयो ।
बिद्यालय व्यवस्थापन समितिका अध्यक्ष श्री हर्क रम्तेलज्यूको अध्यक्षतामा भएको कार्यक्रममा हेटौंडा १८ का वडा अध्यक्ष श्री अनिलकुमार बानियाँज्यू, विद्यालयका प्रधानाध्यापक श्री जयराम थापाज्यू सहित स्थानीय संघ संस्थाका प्रतिनिधिहरुको आतिथ्यता रहेको थियो ।